MYu muxlislari derbida haqoratli so‘zlar aytishgan bo‘lishsa ham klub jazolanmadi!

31-tur doirasida bo‘lib o‘tgan derbi uchrashuvida "Manchester Yunayted" muxlislari raqib jamoa futbolchisi Fil Fodenning onasi haqida haqoratli so‘zlar aytgani qayd etildi. Bu haqda "Daily Mail" nashri xabar berdi.

Futbol Assotsiatsiyasi (FA) ushbu voqeadan xabardor va bunday xulqni qoraladi. Ammo FA qoidalariga ko‘ra, klubni faqat ma’lum holatlardagina jazolash mumkin.

Nima uchun "Yunayted" jazolanmaydi?

FA nizomidagi E20.1-qoidasi klublarni o‘z muxlislarining xulq-atvorlari uchun javobgar qilib belgilaydi. Bunda, agar muxlislar irqiy, diniy, jinsiy yoki nogironlik kabi belgilariga ko‘ra kimnidir haqorat qilsa, klub jazolanadi.

Biroq, Fodenning onasi haqidagi so‘zlar mazkur qoidaga to‘g‘ri kelmasligi sababli "qizil iblislar"ga hech qanday rasmiy chora ko‘rilmaydi.