МЮ ўйинчилари Сульшерга қайси футболчини олишни маслаҳат берди

“Манчестер Юнайтед” футболчилари Уле-Гуннар Сульшерни ёзги трансферлар вақтида “Астон Вилла” етакчиси Жек Грилишни олишга кўндирмоқчи.

Норвегиялик мутахассис эса, икки йилдан бери ҳужумкор ярим ҳимоячи ролига “Боруссия”дан Жейдон Санчони таклиф қилишни истамоқда.

Манчестер жамоаси футболчиларининг фикрича, Грилиш Англия премьер-лигасига мослашган ва ўзини кўрсатиши учун ортиқча вақт талаб қилинмайди ва дарров етакчиликни ўз қўлига олиши мумкин.

Аслида ҳар икки футболчини қўлга киритиш учун клуб каттагина харажат қилишига тўғри келади. Англия футболининг келажаги дея қаралаётган бу ижрочиларнинг трансфер суммаси ҳам бир хил – 75 миллион фунтга баҳоланмоқда.