МЮ раҳбарияти бу футболчига ишонмоқда

"Манчестер Юнайтед" клуби раҳбарияти жамоа ярим ҳимоячиси Антони Элангага янги шартнома таклиф қилишни режалаштирмоқда.

The Telegraph нашрининг маълум қилишича, раҳбарият 19 ёшли швециялик футболчининг кўрсатаётган ўйинларидан тўлиқ қониқмоқда ва шунинг учун ҳам у билан келишувни узайтирмоқчи.

Ўз навбатида футболчи ҳам "қизил иблислар" билан ҳамкорликни давом эттириш истагида. Шу сабабли томонлар ўртасида музокаралар ортиқча муаммоларсиз ижобий якун топиши кутилмоқда.

Эланга "Манчестер Юнайтед"нинг асосий жамоасида 5 та ўйинда майдонга тушган ва 1 та гол урган.