МЮ "РБ Лейпциг"га Шешко трансфери бўйича таклиф юборди

"Манчестер Юнайтед" Беньямин Шешко трансфери бўйича дастлабки таклифини юборди.

"Bild" нашрининг маълумотига кўра, "Манчестер Юнайтед" "РБ Лейпциг" ҳужумчиси учун бонусларни ҳисобга олган ҳолда 85 миллион евро таклиф этган.

Шешкони ўз сафига қўшиб олиш учун "Ньюкасл" ҳам курашмоқда. Уларнинг сўнгги таклифи, аввалроқ хабар қилинганидек, 80+10 миллион еврони ташкил этганди.

Эслатиб ўтамиз, Беньямин Бундеслиганинг ўтган мавсумида 33 та ўйинда 13 та гол урган эди.