МЮ Роналдунинг ўрнини "Сити" собиқ ҳужумчиси билан тўлдирмоқчи
"Манчестер Юнайтед" Роналду билан хайрлашганидан сўнг унинг ўрнини савияли ҳужумчи билан тўлдириш йўлларини изламоқда.
"Daily Mail" нашри тарқатган хабарга кўра, манкуниянликлар ўз эътиборини Эдин Жеко трансферига қаратган. У "қизил иблислар" таркибида Криштиану Роналдунинг йўқлигини билдирмаслиги лозим.
36 ёшли ҳужумчи 2011-2015 йиллар оралиғида МЮнинг азалий рақиби "Манчестер Сити" шарафини ҳимоя қилган. У айни пайтда "Интер"да ўйнамоқда. Жеко жорий мавсум клуб либосида 23 ўйинда майдонга тушиб, ўз ҳисобига 10 та гол ва 4 ассистни ёздириб қўйди.
Унинг миланликлар билан шартномаси 2023 йилнинг ёзида ниҳоясига етади.
Фикрлар