МЮ сафарда қийин ғалабага эришди, "Челси" медаллардан қуруқ қолди, "Ливерпуль" келгуси мавсум ЕЧЛда ўйнайди (натижалар)

Англия Премьер-лигаси 38-туридан ўрин олган барча учрашувлар ўз якунига етди. Қуйида гранд жамоалар иштирокидаги ўйин натижалари билан таништириб ўтамиз. 

Ўз уйида "Брайтон"ни 2:0 ҳисобида енгган "Арсенал" 8-ўринни банд этди ва келгуси мавсумда нуфузли еврокубоклардан четда қоладиган бўлди. "Манчестер Юнайтед" "Вулверхэмптон" майдонида 2:1 ҳисоби билан зафар қучди. 

Бир киши кам бўлиб қолган "Челси" "Астон Вилла" майдонида 1:2 ҳисобида имкониятни бой берди ва 4-ўринга жойлашди. Сўнгги турда "Кристал Пэлас" устидан ишончли тарзда ғалаба қозонган "Ливерпуль" эса, 3-ўринга кўтарилиб олди.