MYu Umtitini sotib olish uchun barchasiga tayyor

Angliyaning “Manchester Yunayted” klubi rahbariyati jamoaning himoya chizig‘ini “Barselona” himoyachisi Samyuel Umtiti bilan kuchaytirmoqchi.

Berilgan ma’lumotlarga ko‘ra mankuanliklar 24 yoshli frantsuz uchun yozda uning shartnomasida ko‘rsatilgan 60 mln evroni to‘lab berishga tayyor. Bundan tashqari MYu unga soliqlarsiz yiliga 9 mln evro maosh ham va’da qilmoqda. O‘z navbatida “Barselona” esa Umtiti uchun bunday maosh to‘lamoqchi emas.

Ma’lumot uchun, Frantsiya terma jamoasi a’zosi joriy mavsum La Ligada jami 19ta uchrashuvda ishtirok etgan.