МЮ ва "Челси" ёш футболчини нишонга олди

"Манчестер Юнайтед" ва "Челси" "Реал Сосьедад" ҳужумчиси Александер Исакни кузатмоқда. Швециялик футболчи учун испан клуби катта пул сўрамоқда.

"The Mirror" нашрининг хабарига кўра, МЮ футболчини Криштиану Роналдуга ўринбосар, деб ҳисобламоқда. Қайд этилишича, жамоа уни ёзда сотиб олишга ҳаракат қилиб кўради. 

22 ёшли шведга юқоридаги икки жамоадан ташқари "Арсенал", "Барселона", "Ливерпуль" ва бошқа топ клублар қизиқиш билдирмоқда.

Александер Исак жорий мавсум Ла Лигадаги 18 учрашувда 4 гол ва 1 ассистни ўз ҳисобига ёздириб қўйган.