МЮ Варанга зўр ваъдалар бермоқда

Marca нашрининг маълум қилишича, франциялик ҳимоячи Рафаэль Варан шу ёз "Реал"дан кетиши кутилмоқда.

28 ёшли футболчига "Манчестер Юнайтед"дан жиддий таклифлар бўлмоқда. “Қизил иблислар” Варан учун Мадрид клубига 35-40 миллион евро тўлашга тайёр.

Бундан ташқари, МЮ Варанга яхшигина маош ҳам ваъда қилмоқда. Агар у “Олд Траффорд”га кўчиб ўтса, ҳозирги маошидан икки баробар кўп пул олади.

Рафаэль Варан якунланган мавсум “Реал” сафида Ла Лигада 31 та ўйинда иштирок этди. У ушбу учрашувларда ўз ҳисобига 2 та гол ёздириб қўйди.

Вараннинг “қироллик клуби” билан амалдаги шартномаси 2022 йилга қадар имзоланган.