МЮ ёзда Санчо учун 120 млн евро сарфлашга тайёр

Дортмунднинг “Боруссия” клуби вингери Жейдон Санчо фаолиятини ўз ватанида давом эттириши мумкин.

The Independent нашри тарқатган хабарга кўра 19 ёшли англиялик футболчига “Манчестер Юнайтед” жиддий қизиқиб қолган. Манкуанликлар ёзда ушбу футболчининг трансфери учун Дортмунд клубига нақд 120 млн евро таклиф қилишмоқчи.

Эслатиб ўтамиз, Санчо учун даъвогарлар рўйхатида шунингдек ПСЖ ва “Реал” клублари ҳам бор.

Маълумот учун, Санчо жорий мавсум “Боруссия” сафида жами 36та ўйинда иштирок этди ва ўз ҳисобига 9та гол ҳамда 18та голли узатма ёздириб қўйишга эришди.

Фикрлар

Фикр қолдириш учун авторизациядан ўтинг!