Нагельсман муҳим футболчининг жароҳати ҳақида гапирди

Германия терма жамоаси бош мураббийи Юлиан Нагельсман ҳимоячи Нико Шлоттербек олган жароҳати ҳақида маълумот берди. Футболчи 2026 йилги Жаҳон чемпионати гуруҳ босқичи иккинчи турида Кот-д’Ивуарга қарши ўйин (2:1) пайтида жароҳат олган.

Танаффусда Шлоттербек ўрнига майдонга Антонио Рюдигер туширилди.

«Ҳимоячи Нико Шлоттербекда боғламлар жароҳат олган, деган шубҳа бор. Ҳозирча вазият жуда нохуш кўриняпти», — дея таъкидлади Нагельсман.

Е гуруҳида икки турдан сўнг жамоаларнинг жойлашуви қуйидагича: 1. Германия – 6 очко; 2. Кот-д’Ивуар – 3; 3. Эквадор – 1; 4. Кюрасао – 1 очко.

Жаҳон чемпионати 2026 йилги гуруҳ босқичи учинчи турида Германия терма жамоаси Эквадор миллий жамоасига қарши майдонга тушади. Учрашув АҚШнинг Ист-Ратерфорд шаҳрида жойлашган «Метлайф Стэдиум» аренасида бўлиб ўтади. Беллашув 25 июнь куни ўтказилиб, Москва вақти билан соат 23:00 да бошланади.