Нагельсманн ўзига янги жамоа танлади
“Бавария”дан истеъфога чиқарилган Юлиан Нагельсманн ўзига янги иш қидираётган эди. Аслида 35 ёшли мураббий “Челси”ни қабул қилиб олиши кутилганди.
Бироқ, лондонликлар унинг ёшини инобатга олиб, жамоага таклиф қилиш фикридан қайтди.
Янги маълумотларга қараганда, Нагельсманн ПСЖ билан ўзаро ҳамкорлик бўйича музокара олиб бормоқда. Бу ҳақда парижликлар инсайдери Адриен Гренье хабар берди.
Юлиан Нагельсманн “Бавария”ни бошқарган пайтда ПСЖни Чемпионлар лигасидан чиқариб юборган эди. Бу ҳолат парижликларнинг ҳозирги бош мураббийи Кристофф Галтье курсисини қимирлатиб қўйди.
Фикрлар