Наманган вилояти ҳокими мураббий алмаштиришда хатога йўл қўйилганини айтиб, Канчельскисни оммага таништирди
Бугун Намангандаги “Марказий” ўйингоҳда “Навбаҳор”нинг янги мураббийини таништириш маросими бўлиб ўтди. Унда Наманган вилоят ҳокими, вилоят футбол ассоциацияси президенти Хайрулло Бозаров, Наманган шаҳар ҳокими, “Навбаҳор” ПФК президенти Шавкат Абдураззоқов, шунингдек, “Навбаҳор” фан-клуби аъзолари, мухлислар иштирок этишди.
Хайрулло Бозаров сўзга чиқиб, вилоятда футболни севишлари, "Навбаҳор"нинг мухлислари содиқ эканликларини таъкидлаб, уларга ўз миннатдорчилигини билдирди.
Бундан ташқари, вилоят ҳокими ўз сўзида "Навбаҳор"нинг олдига жорий мавсумда юксак мақсадлар қўйилганлиги, аммо жамоада мураббийни алмаштиришда хатоликлар бўлганлиги, энди бу хатоларни такрорламасдан фақат олдинга қараб интилиш лозимлигини айтиб ўтди. Андрей Канчельскисга мухлислар меҳри кучли эканлиги, буни жамоанинг кўплаб мухлислари уни кутиб олиш учун аэропортга чиқишгани, унинг атрофида кўплаб мухлислари борлигини таъкидлаб, уни барча ишқибозлар ҳурмат қилишларини айтди.
Бундан ташқари, ҳоким "Навбаҳор"га оид ишларни тезда ҳал этиш лозимлигини таъкидлади. Сербиялик мутахассис Деян Журжевичнинг "Навбаҳор"да омади келмаганлигини ҳам таъкидлаб, Андрей Канчельскисга "Хуш келибсиз" дея қутлади. Томонлар 3 йиллик шартнома имзолашларини айтилди.
Андрей Канчельскис ўз сўзида мухлисларга миннатдорчилик билдириб, бўлажак ўйинларда уларнинг ишончларини оқлашга ҳаркат қилишини билдирди.
Шунингдек, клуб раҳбариятида ҳам ўзгариш юз бериб, Ойбек Сафаров клуб вице-президенти этиб тайинланди.
Фикрлар
Оила аьзоларинг билан доимо тинч булинглар. Хонодонларингда доимо туй булсин.
Рақобат булса лигамиз кучаяди.
Насаф рақобатбардош жамоа булиб шакилланган эди синдиришти,энди Навбахор йулини топиб бораётганда хокимнинг тушунарсиз қарорига хайрон булиб тургандим...
Бизагаям Локо ёки Бунёдкор билан сифатсиз рақобат умуман қизиқ эмас,Нефтчи,Насаф ёки Навбахор тенгга-тенг талашиб турса унда қизиқроқ буларди.
Навбахорга омад(Пахтакор билан уйинлардан ташқари)
Омад Навбахорга.