Namanganlik muxlislar uchun xushxabar: O‘tkir Yusupov "Navbahor"da qoldi!

Nihoyat, namanganlik muxlislar uchun ajoyib xushxabar! Jamoa etakchisi va sardori klubda qoladigan bo‘ldi. Bu xususida “Navbahor” matbuot xizmati shunday xabar qiladi:

Jamoamizning 32 yoshli tajribali darvozaboni O‘tkir Yusupov “Navbahor” klubi bilan tuzilgan shartnoma muddatini uzaytirdi. U 2024 yilgi mavsumda ham “lochinlar” darvozasini qo‘riqlaydigan bo‘ldi.

O‘tkir Yusupov 2023 yilgi mavsumdagi barcha musobaqalardagi 39 ta o‘yinda, ya’ni, “Navbahor”ning barcha bahslarida jamoamiz darvozasini qo‘riqladi. 

Bo‘lajak mavsumda ham Yusupovning “Navbahor” darvozasini munosib tarzda qo‘riqlab, chiroyli seyvlar namoyish etishiga tilakdoshmiz.

“Navbahor” PFK matbuot xizmati.