"Наполи" ҳимоячи харид қилмоқчи

"Наполи" чап қанот ҳимоячи харид қилмоқчи. Бу ҳақда gianlucadimarzio.com хабар тарқатди.

Манбанинг ёзишича, неаполликлар "Бенфика" ҳимоячиси  Нуну Тавариш номзодини кўриб чиқмоқда.  Transfermarkt портали 20 ёшли португалиялик футболчини 5 миллион еврога баҳоламоқда.

Таваришнинг "Бенфика" билан амалдаги шартномаси 2024 йилнинг ёзига қадар мўлжалланган. Жорий мавсум ҳимоячи 16та ўйинда майдонга тушиб, 3та голга ассистентлик қилган.