"Наполи" президенти Кварацхелиянинг сотилишига сабаб бўлган ҳолатни ошкор қилди

"Наполи" президенти Аурелио Де Лаурентис Хвича Кварацхелиянинг ПСЖга сотиб юборилиши ҳақида гапирди.

- Кварацхелияни сотишга мажбур бўлдик. Сабаби унинг агенти футболчига товон пули тўлаш орқали шартномани бир томонлама бекор қилиш билан таҳдид қилган эди. Грузиялик футболчининг клубимиздаги илк ажойиб мавсумидан сўнг, унга шартномани узайтиришни ва маошини сезиларли тарзда оширишни таклиф қилдик.

Бироқ, шартномани узайтиришни уддалай олмадик. Унинг агенти бошқача режаларга эга эди ва ўзи учун ҳам футболчи учун ҳам маъқул келадиган йўлни танлади, - деди клуб президенти.

Маълумот учун, 24 ёшли вингер Париж клуби сафига 70 миллион евро эвазига йўл олган эди. Футболчининг ПСЖ билан амалдаги шартномаси 2029 йилнинг ярмигача амал қилади.