"Наполи" ва "Галатасарай" Виктор Осимхен трансфери бўйича келишувга эришди

"Sky Sport Italia" нашрининг хабарига кўра, "Наполи" ва "Галатасарай" клублари Виктор Осимхеннинг трансфери бўйича келишувга эришди. Томонлар 75 миллион евро миқдоридаги битимга рози бўлишган. Шартномага кўра, неаполликлар кейинги сотувдан 10 фоиз улушга ҳам эга бўлади.

Ҳужумчи учун турк клуби дастлаб 40 миллион евро тўлайди, қолган 35 миллион евро эса келаси 12 ой давомида 17,5 миллиондан икки босқичда амалга оширилади. Банк кафолатлари масаласи ҳам ҳал қилинган.

Шунингдек, келишувда махсус банд мавжуд – Осимхенни икки йил мобайнида Италия клубларига сотиш тақиқланади.