"Наполи"нинг асосий ҳимоячиси бу йил бошқа майдонга тушолмайди

“Наполи” клуби ҳимоячиси Калиду Кулибали кеча А Сериянинг 17-туридан ўрин олган “Парма”га (1:2) қарши ўйинда жароҳат олди.

Сенегаллик футболчи ўнг оёқ сон мушаклари жароҳатлангани сабаб 5-дақиқадаёқ майдонни тарк этишга мажбур бўлди. У бугун чуқурлаштирилган тиббий кўрикдан ўтказилади. Аммо, у 22 декбрь куни “Сассуоло”га қарши бўладиган ўйинга қадар сафга қайта олмайди. Шу боис Кулибалини 2019 йилда бошқа майдонда кўрмаймиз.

Маълумот учун, Кулибали жорий мавсум “Наполи” сафида 20 та ўйинда иштирок этди.