"Насаф" 4 нафар футзалчини ўз сафига қўшиб олди

"Насаф" футзал жамоаси янги мавсум олдидан таркибини кучайтиришда давом этмоқда. Клуб маҳаллий футзалчилар билан бир қаторда хорижлик тажрибали футзалчиларни ҳам сафга қўшиб олди.

"Қирғизистон футзал терма жамоасининг уч нафар азоси — Эржан Бахтибеков, Уланбек Чоробек ва Эрнест Саипиднов, шунингдек, маҳаллий футзалчи Одилжон Асамов билан расмий шартномалар имзоланди.

Ушбу тўрт нафар футзалчи "Насаф" билан бир йиллик шартномага имзо чекди ва янги мавсумда жамоамиз шарафини ҳимоя қилади.

Эржан, Уланбек, Эрнест ва Одилжон! Клубимизга хуш келибсиз! Сизларни "аждарлар" оиласида кўриб турганимиздан мамнунмиз. Янги мавсумда барча футзалчиларимизга омад тилаймиз", - дейилади клуб матбуоти хабарида.