"Насаф" бош менежери: Биз ҳали ўз сўзимизни айтамиз

"Насаф" клуби бош менежери Сергей Кучеренко Суперлига 4-туридан ўрин олган "Насаф" – "Навбаҳор" учрашувидан сўнг беллашувга келиб қаршиликларни қўллаб-қувватлаб турган барча мухлисларга ўз ташаккурини билдирди.

"Навбаҳор" жамоаси билан бўлиб ўтган учрашувда гарчи мағлуб бўлган бўлсакда, биз тўғри йўлдамиз деб ўйлайман. Таркибимиз анча ёшарган. Йигитлар "Пахтакор" билан кўрсатган ўйинини кўрсата олмади. Бунга наманганликлар имкон беришмади.

Учрашувга келиб жамоамизни сўнги дақиқаларгача қўллаб-қувватлаб турган барчага раҳмат дейман. Клубимизнинг жонкуяр мухлислари бизга ишонишларини ва ҳар бир учрашувда ўз жамоаларини шундай қўллашларини сўраб қолган бўлардим. Чунки футбол мухлислар учун ўйналади. Биз билан бирга бўлишда давом этинг. "Насаф" ҳали ўз сўзини айтади", – деб Кучеренконинг сўзларини келтириб ўтди клуб матбуот хизмати.