"Насаф" футболчиси дисквалификация қилинди, "Навбаҳор" ва ОКМК жаримага тортилди - Тартиб-интизом қўмитасининг қарорлари

Ўзбекистон футбол ассоциацияси Тартиб-интизом қўмитасининг навбатдаги йиғилиши бўлиб ўтди. Унда сўнгги турлар доирасида бўлиб ўтган учрашувлардаги интизомий ишлар кўриб чиқилди.

Суперлига

“Навбаҳор лочинлари” — “Сўғдиёна”

Суперлига чемпионатининг 20-тури доирасидаги “Навбаҳор лочинлари” — “Сўғдиёна” учрашуви давомида “Навбаҳор лочинлари” футбол клуби томонидан “Суперлига ва Про лига регламенти”нинг бузилганлиги яъни “Навбаҳор лочинлари” футбол клубининг лицензияга эга бўлмаган ва қайдномага киритилмаган вакиллари учрашув комиссарининг огоҳлантиришига қарамай техник зона ҳудудини тарк этмаганлик ҳолати қайд этилган.

Тартиб-интизом қўмитаси қарорига кўра, “Навбаҳор лочинлари” футбол клубига нисбатан жарима интизом чораси қўлланилди.

“Динамо плюс” — “Навбаҳор лочинлари”

Суперлига чемпионатининг 14-тури доирасидаги “Динамо плюс” — “Навбаҳор лочинлари” учрашувининг 80-дақиқасида “Динамо плюс” футбол клуби томонидан “Суперлига ва Про лига регламенти” бузилгани, яъни “Динамо плюс” мухлислари томонидан майдон томон елим идишлар улоқтирилгани, футбол клуби томонидан бу каби ҳолатни олдини олишга қаратилган вазифалар бажарилмагани қайд этилган.

Тартиб-интизом қўмитаси қарорига кўра, “Динамо плюс” футбол клубининг келгуси биринчи уй учрашувида “Динамо плюс” стадионининг 4-5-секторлари, шунингдек ВИП трибуна остидаги ўриндиқларни вақтинча ёпиш ва мазкур секторлар учун чипталарни савдога чиқармаслик борасида тегишли тақиқ қўйилди.

Суперлига чемпионатининг 14-тури доирасидаги “Динамо плюс” — “Навбаҳор лочинлари” учрашувининг 82-дақиқасида “Навбаҳор лочинлари” футбол клуби футболчиси Азимжон Аҳмедов бош ҳакам қарорига нисбатан эътироз билдириб, сариқ карточка олган ҳолати қайд этилган.

Тартиб-интизом қўмитаси қарорига кўра, Азимжон Аҳмедовга (Навбаҳор лочинлари) нисбатан жарима интизом чораси қўлланилди.

“Насаф” — “Сурхон”

Суперлига чемпионатининг 21-тури доирасидаги “Насаф” — “Сурхон” учрашувининг 69-дақиқасида “Насаф” футбол клуби футболчиси Шерзод Насруллаев рақиб ўйинчисига нисбатан тўпсиз вазиятда тажовузкор ҳаракат қилгани учун майдондан четлаштирилган.

Тартиб-интизом қўмитаси қарорига кўра, Шерзод Насруллаевга (Насаф) нисбатан 2 та ўйинга четлаштириш (дисквалификация) интизом чораси қўлланилди.

“Қизилқум” — “Металлург”

Суперлига чемпионатининг 20-тури доирасидаги “Қизилқум” — “Металлург” учрашувининг 45+4-дақиқасида “Металлург” футбол клуби мураббийи Нозимжон Эсанов захира ҳаками шаънига ҳақоратли сўзлар ишлатгани учун майдондан четлаштирилган.

Тартиб-интизом қўмитаси қарорига кўра, Нозимжон Эсановга (Металлург) нисбатан 2 та ўйинга четлаштириш (дисквалификация) ва жарима интизом чоралари қўлланилди.

“Динамо плюс” — “Сурхон”

Суперлига чемпионатининг 20-тури доирасидаги “Динамо плюс” — “Сурхон” учрашувининг 45-дақиқасида “Сурхон” футбол клуби футболчиси Достон Турсунов тўп учун курашиш вақтида оёғининг таг қисми билан рақиб ўйинчисининг оёқ қисмига зарба бергани учун майдондан четлаштирилган.

Тартиб-интизом қўмитаси қарорига кўра, Достон Турсуновга (Сурхон) нисбатан 3 та ўйинга четлаштириш (дисквалификация) ва жарима интизом чоралари қўлланилди.

ОКМК — “Локомотив”

Суперлига чемпионатининг 20-тури доирасидаги ОКМК — “Локомотив” учрашувининг 90+5-дақиқасида ОКМК футбол клуби футболчиси Азиз Холмуродов тўп учун курашиш вақтида оёғининг таг қисми билан рақиб ўйинчисининг оёқ қисмига зарба бергани учун майдондан четлаштирилган.

Тартиб-интизом қўмитаси қарорига кўра, Азиз Холмуродовга (ОКМК) нисбатан 3 та ўйинга четлаштириш (дисквалификация) ва жарима интизом чоралари қўлланилди.

Суперлига чемпионатининг 20-тури доирасидаги ОКМК — “Локомотив” учрашуви якунлангандан сўнг “Локомотив” футбол клуби спорт директори Равшан Муқимов бош ҳакам шаънига ҳақоратли сўзлар ишлатган ҳолати қайд этилган.

Тартиб-интизом қўмитаси қарорига кўра, Равшан Муқимовга (Локомотив) нисбатан жарима интизом чораси қўлланилди.

“Андижон” — “Нефтчи”

Суперлига чемпионатининг 20-тури доирасидаги “Андижон” — “Нефтчи” учрашувининг 76-дақиқасида “Нефтчи” футбол клуби мураббийи Лутфулла Тўраев бош ҳакам қарорига нисбатан эътироз билдириб, сариқ карточка олган ҳолати қайд этилган.

Тартиб-интизом қўмитаси қарорига кўра, Лутфулла Тўраевга (Нефтчи) нисбатан жарима интизом чораси қўлланилди.

“Қизилқум” — “Металлург”

Суперлига чемпионатининг 20-тури доирасидаги “Қизилқум” — “Металлург” учрашувининг 90+4-дақиқасида “Қизилқум” футбол клуби футболчиси Ҳумоюншоҳ Сайётов ўйин вақтини атайин чўзиб, сариқ карточка олган ҳолати қайд этилган.

Тартиб-интизом қўмитаси қарорига кўра, Ҳумоюншоҳ Сайётовга (Қизилқум) нисбатан жарима интизом чораси қўлланилди.

Пролига

“Шўртан” — “Хоразм”

Пролига мусобақасининг 23-тури доирасидаги “Шўртан” — “Хоразм” учрашувининг 20-дақиқасида “Шўртан” футбол клуби футболчиси Жавоҳир Ҳасанов симуляция учун сариқ карточка олган ҳолати қайд этилган.

Тартиб-интизом қўмитаси қарорига кўра, Жавоҳир Ҳасановга (Шўртан) нисбатан жарима интизом чораси қўлланилди.

“Шўртан” — “Хоразм”

Пролига мусобақасининг 23-тури доирасидаги “Шўртан” — “Хоразм” учрашувининг 56-дақиқасида “Хоразм” футбол клуби футболчиси Равшанбек Султонов бош ҳакам қарорига нисбатан эътироз билдириб, сариқ карточка олган олган ҳолати қайд этилган.

Тартиб-интизом қўмитаси қарорига кўра, Равшанбек Султоновга (Хоразм) нисбатан жарима интизом чораси қўлланилди.

“Дўстлик Тошкент” — “Арал”

Пролига мусобақасининг 22-тури доирасидаги “Дўстлик Тошкент” — “Арал” учрашувининг 77-дақиқасида “Арал” футбол клуби футболчиси Норхон Шерипов ўйин вақтини атайин чўзиб, сариқ карточка олган ҳолати қайд этилган.

Тартиб-интизом қўмитаси қарорига кўра, Норхон Шериповга (Арал) нисбатан жарима интизом чораси қўлланилди.

“Арал” — “Машъал”

Пролига мусобақасининг 23-тури доирасидаги “Арал” — “Машъал” учрашувининг 81-дақиқасида “Арал” футбол клуби футболчиси Иззатилло Абдулҳақов бош ҳакам қарорига нисбатан эътироз билдириб, сариқ карточка олган ҳолати қайд этилган.

Тартиб-интизом қўмитаси қарорига кўра, Иззатилло Абдулҳақовга (Арал) нисбатан жарима интизом чораси қўлланилди.

Пролига мусобақасининг 23-тури доирасидаги “Арал” — “Машъал” учрашувининг 66-дақиқасида “Арал” футбол клуби футболчиси Азизбек Умирбеков ўйин вақтини атайин чўзиб, сариқ карточка олган ҳолати қайд этилган.

Тартиб-интизом қўмитаси қарорига кўра, Азизбек Умирбековга (Арал) нисбатан жарима интизом чораси қўлланилди.

Биринчи лига

“Турон” — “Цементчи”

Биринчи лига мусобақасининг 21-тури доирасидаги “Турон” — “Цементчи” учрашувининг 72-дақиқасида “Турон” жамоаси вакили Азизхон Раҳмонов трибунадан майдонга тушиб, “Цементчи” жамоасининг футболчиси Самандар Ўринбоевнинг қорин қисмига тизза билан зарба берган ҳолати қайд этилган.

Тартиб-интизом қўмитаси қарорига кўра, “Турон” футбол клубига нисбатан жарима интизом чораси қўлланилди.

Биринчи лига мусобақасининг 21-тури доирасидаги “Турон” — “Цементчи” учрашувининг 72-дақиқасида “Цементчи” жамоасининг биринчи бўлимдан сўнг захирага олинган футболчиси Азамат Халилов “Турон” жамоаси вакили Азизхон Рахмоновнинг бош қисмига ортдан туриб, қасддан зарба берган ҳолати қайд этилган.

Тартиб-интизом қўмитаси қарорига кўра, Азамат Халиловга (Цементчи) нисбатан 6 та ўйинга четлаштириш (дисквалификация) ва жарима интизом чоралари қўлланилди.

Биринчи лига мусобақасининг 21-тури доирасидаги “Турон” — “Цементчи” учрашувининг 72-дақиқасида “Цементчи” жамоаси футболчиси Самандар Ўринбоев дисквалификацияси борлиги сабабли учрашувни трибунадан томоша қилганига қарамай, трибунадан майдонга ҳеч қандай рухсациз тушиб провокацион ҳаракат қилгани ва оммавий тартибсизлик вужудга келтиргани қайд этилган.

Тартиб-интизом қўмитаси қарорига кўра, Самандар Ўринбоевга (Цементчи) нисбатан 4 та ўйинга четлаштириш (дисквалификация) ва жарима интизом чоралари қўлланилди.

“Зомин” — “Насаф фарм”

Биринчи лига мусобақасининг 24-тури доирасидаги “Зомин” — “Насаф фарм” учрашувининг 23-дақиқасида “Зомин” жамоаси футболчиси Муҳаммад Хомидов тўп учун курашиш вақтида оёғининг таг қисми билан рақиб ўйинчисининг тизза қисмига зарба бергани учун майдондан четлаштирилган.

Тартиб-интизом қўмитаси қарорига кўра, Муҳаммад Хомидовга (Зомин) нисбатан 3 та ўйинга четлаштириш (дисквалификация) интизом чораси қўлланилди.

“Жиззах” — “Қизириқ”

Биринчи лига мусобақасининг 23-тури доирасидаги “Жиззах” — “Қизириқ” учрашувининг 37-дақиқасида “Қизириқ” жамоаси футболчиси Низомжон Норов рақиб футболчиси шаънига ҳақоратли сўзлар ишлатиб, майдондан четлаштирилган.

Тартиб-интизом қўмитаси қарорига кўра, Низомжон Норовга (Қизириқ) нисбатан 2 та ўйинга четлаштириш (дисквалификация) интизом чораси қўлланилди.

Биринчи лига мусобақасининг 23-тури доирасидаги “Жиззах” — “Қизириқ” учрашувининг 37-дақиқасида “Жиззах” жамоаси футболчиси Санжар Рашидов рақиб футболчиси шаънига ҳақоратли сўзлар ишлатиб, майдондан четлаштирилган.

Тартиб-интизом қўмитаси қарорига кўра, Санжар Рашидовга (Жиззах) нисбатан 2 та ўйинга четлаштириш (дисквалификация) интизом чораси қўлланилди.

Биринчи лига мусобақасининг 23-тури доирасидаги “Жиззах” — “Қизириқ” учрашувининг 90+6-дақиқасида “Жиззах” жамоаси футболчиси Соҳибжон Ёқубов рақиб ўйинчисига нисбатан тўпсиз вазиятда қўлнинг тирсаги билан зарба бергани учун майдондан четлаштирилган.

Тартиб-интизом қўмитаси қарорига кўра, Соҳибжон Ёқубовга (Жиззах) нисбатан 3 та ўйинга четлаштириш (дисквалификация) интизом чораси қўлланилди.

“Сирдарё ФА” — “Навоий ФА”

Биринчи лига мусобақасининг 23-тури доирасидаги “Сирдарё ФА” — “Навоий ФА” учрашувининг 44-дақиқасида “Сирдарё ФА” жамоаси футболчиси Ҳожиакбар Мавлонов тўп учун курашиш вақтида оёғининг таг қисми билан рақиб ўйинчисининг оёғига зарба бергани учун майдондан четлаштирилган.

Тартиб-интизом қўмитаси қарорига кўра, Ҳожиакбар Мавлоновга нисбатан 3 та ўйинга четлаштириш (дисквалификация) интизом чораси қўлланилди.

“БухДу” — “Сирдарё ФА”

Биринчи лига мусобақасининг 24-тури доирасидаги “БухДу” — “Сирдарё ФА” учрашувининг 68-дақиқасида “БухДу” жамоаси футболчиси Сардорбек Иззатов мушти билан рақиб ўйинчисини белига зарба бергани учун майдондан четлаштирилган.

Тартиб-интизом қўмитаси қарорига кўра, Сардорбек Иззатовга (БухДу) нисбатан 4 та ўйинга четлаштириш (дисквалификация) интизом чораси қўлланилди.

У21 чемпионати

“Андижон У21” — “Нефтчи У21”

У21 чемпионатининг 20-тури доирасидаги “Андижон У21” — “Нефтчи У21” учрашувининг 59-дақиқасида “Андижон У21” жамоаси футболчиси Моҳирбек Комилов ўйин вақтини атайин чўзиб, сариқ карточка олган ҳолати қайд этилган.

Тартиб-интизом қўмитаси қарорига кўра, Моҳирбек Комиловга (Андижон У21) нисбатан жарима интизом чораси қўлланилди.

“Локомотив У21” — “Бунёдкор У21”

У21 чемпионатининг 21-тури доирасидаги “Локомотив У21” — “Бунёдкор У21” учрашувининг 49-дақиқасида “Локомотив У21” жамоаси футболчиси Озодбек Ўктамов рақиб футболчиси шаънига ҳақоратли сўзлар ишлатиб, майдондан четлаштирилган.

Тартиб-интизом қўмитаси қарорига кўра, Озодбек Ўктамовга (Локомотив У21) нисбатан 2 та ўйинга четлаштириш (дисквалификация) интизом чораси қўлланилди.

“Локомотив У21” — “Бунёдкор У21”

У21 чемпионатининг 21-тури доирасидаги “Локомотив У21” — “Бунёдкор У21” учрашувининг 79-дақиқасида “Бунёдкор У21” жамоаси футболчиси Александр Зевадинов рақиб футболчиси шаънига ҳақоратли сўзлар ишлатиб, майдондан четлаштирилган.

Тартиб-интизом қўмитаси қарорига кўра, Александр Зевадиновга (Бунёдкор У21) нисбатан 2 та ўйинга четлаштириш (дисквалификация) интизом чораси қўлланилди.

“Қизилқум У21” — “Металлург У21”

У21 чемпионатининг 20-тури доирасидаги “Қизилқум У21” — “Металлург У21” учрашувининг 90+5-дақиқасида “Қизилқум У21” жамоаси футболчиси Самандар Шукуруллаев тўпсиз вазиятда оёқ қисми билан рақиб ўйинчига зарба бергани учун майдондан четлаштирилган.

Тартиб-интизом қўмитаси қарорига кўра, Самандар Шукуруллаевга (Қизилқум У21) нисбатан 3 та ўйинга четлаштириш (дисквалификация) интизом чораси қўлланилди.

ОКМК У21 — “Локомотив У21”

У21 чемпионатининг 20-тури доирасидаги ОКМК У21 — “Локомотив У21” учрашувининг 61-дақиқасида “Локомотив У21” жамоаси футболчиси Равшанбек Абдуманнонов бош ҳакам қарорига нисбатан эътироз билдириб, сариқ карточка олган ҳолати қайд этилган.

Равшанбек Абдуманноновга (Локомотив У21) нисбатан жарима интизом чораси қўлланилди.

“Динамо У21” — “Сурхон У21”

“Динамо У21” — “Сурхон У21” учрашувининг 40-дақиқасида “Динамо У21” жамоаси футболчиси Ойбек Ҳамрақулов ўйин вақтини атайин чўзиб, сариқ карточка олган ҳолати қайд этилган.

Тартиб-интизом қўмитаси қарорига кўра, Ойбек Ҳамрақуловга (Динамо У21) нисбатан жарима интизом чораси қўлланилди.

У21 чемпионатининг 20-тури доирасидаги “Динамо У21” — “Сурхон У21” учрашувининг 90+5-дақиқасида “Динамо У21” жамоаси футболчиси Диёрбек Сагдуллаев ўйин вақтини атайин чўзиб сариқ карточка олган ҳолати қайд этилган.

Диёрбек Сагдуллаевга (Динамо У21) нисбатан жарима интизом чораси қўлланилди.

У21 чемпионатининг 20-тури доирасидаги “Динамо У21” — “Сурхон У21” учрашувининг 53-дақиқасида “Динамо У21” жамоаси футболчиси Азизбек Аҳмедов бош ҳакам қарорига нисбатан эътироз билдириб, сариқ карточка олган ҳолат бўйича тегишли чора кўриш сўралган.

Тартиб-интизом қўмитаси қарорига кўра, Азизбек Аҳмедовга (Динамо У21) нисбатан жарима интизом чораси қўлланилди.

У19 чемпионати

У19 чемпионатининг 19-тури доирасидаги “Сўғдиёна У19” — “Металлург У19” учрашувининг 55-дақиқасида “Металлург У19” жамоаси футболчиси Дилрух Алиев бош қисми билан рақиб ўйинчисига зарба бергани учун майдондан четлаштирилган.

Тартиб-интизом қўмитаси қарорига кўра, Дилрух Алиевга (Металлург У19) нисбатан 3 та ўйинга четлаштириш (дисквалификация) интизом чораси қўлланилди.

ОКМК У19 — “Бунёдкор У19”

У19 чемпионатининг 19-тури доирасидаги ОКМК У19 — “Бунёдкор У19” учрашувининг 60-дақиқасида ОКМК У19 жамоаси футболчиси Шуҳратжон Маҳкамов тўп учун курашиш вақтида оёғининг таг қисми билан рақиб ўйинчисининг оёғига зарба бергани учун майдондан четлаштирилган.

Тартиб-интизом қўмитаси қарорига кўра, Шуҳратжон Маҳкамовга (ОКМК У19) нисбатан 3 та ўйинга четлаштириш (дисквалификация) жарима интизом чораси қўлланилди.

“Хоразм У19” — “Қизилқум У19”

У19 чемпионатининг 20-тури доирасидаги “Хоразм У19” — “Қизилқум У19” учрашувининг 7-дақиқасида “Қизилқум У19” жамоаси футболчиси Асрор Хамидуллаев қўлнинг мушт қисми билан рақиб ўйинчисининг кўкрак қисмига зарба бергани учун майдондан четлаштирилган.

Тартиб-интизом қўмитаси қарорига кўра, Асрор Хамидуллаевга (Қизилқум У19) нисбатан 4 та ўйинга четлаштириш (дисквалификация) интизом чораси қўлланилди.

“Бухоро У19” — “Сўғдиёна У19”

У19 чемпионатининг 20-тури доирасидаги “Бухоро У19” — “Сўғдиёна У19” учрашувининг 50-дақиқасида “Бухоро У19” жамоаси футболчиси Аминбек Ғафуров тўп учун курашиш вақтида оёғининг таг қисми билан рақиб ўйинчисининг оёғига зарба бергани учун майдондан четлаштирилган.

Тартиб-интизом қўмитаси қарорига кўра, Аминбек Ғафуровга (Бухоро У19) нисбатан 3 та ўйинга четлаштириш (дисквалификация) интизом чоралари қўлланилди.

“Хоразм У19” — “Сурхон У19”

У19 чемпионатининг 22-тури доирасидаги “Хоразм У19” — “Сурхон У19” учрашувининг 55-дақиқасида “Хоразм У19” жамоаси футболчиси Сарвар Баҳодиров рақиб ўйинчисига нисбатан тўпсиз вазиятда тажовузкор харакат қилгани учун майдондан четлаштирилган.

Тартиб-интизом қўмитаси қарорига кўра, Сарвар Боходировга (Хоразм У19) нисбатан 3 та ўйинга четлаштириш (дисквалификация) интизом чораси қўлланилди.

У19 чемпионатининг 22-тури доирасидаги “Хоразм У19” — “Сурхон У19” учрашувининг 77-дақиқасида “Сурхон У19” жамоаси футболчиси Назарбек Бозоров бош ҳакам шаънига ҳақоратли сўзлар ишлатиб, майдондан четлаштирилган.

Тартиб-интизом қўмитаси қарорига кўра, Назарбек Бозоровга (Сурхон У19) нисбатан 3 та ўйинга четлаштириш (дисквалификация) интизом чораси қўлланилди.

“Андижон У19” — “Дўстлик Тошкент У19”

У19 чемпионатининг 22-тури доирасидаги “Андижон У19” — “Дўстлик Тошкент У19” учрашувининг 90+2-дақиқасида “Андижон У19” жамоаси футболчиси Искандар Юлдашев тўп учун курашиш вақтида оёғининг таг қисми билан рақиб ўйинчисининг тизза қисмига зарба бергани учун майдондан четлаштирилган.

Тартиб-интизом қўмитаси қарорига кўра, Искандар Юлдашевга (Андижон У19) нисбатан 3 та ўйинга четлаштириш (дисквалификация) интизом чораси қўлланилди.

“Олимпик У19” — “Навбаҳор У19”

У19 чемпионатининг 21-тури доирасидаги “Олимпик У19” — “Навбаҳор У19” учрашувининг 64-дақиқасида “Олимпик У19” жамоаси футболчиси Саидқодир Ботирхўжаев тўп учун курашиш вақтида оёғининг таг қисми билан рақиб ўйинчисининг оёқ қисмига зарба бергани учун майдондан четлаштирилган.

Тартиб-интизом қўмитаси қарорига кўра, Саидқодир Ботирхўжаевга (Олимпик У19) нисбатан 3 та ўйинга четлаштириш (дисквалификация) интизом чораси қўлланилди.

Аёллар Олий лигаси

“Навбаҳор W” — ОКМК W

Аёллар Олий лигаси 22-тури доирасидаги “Навбаҳор W” — ОКМК W учрашувининг 53-дақиқасида “Навбаҳор W” жамоаси футболчиси Зарина Ходжаеве оёғининг таг қисми билан рақиб ўйинчисининг оёқ қисмига зарба бергани учун майдондан четлаштирилган.

Тартиб-интизом қўмитаси қарорига кўра, Зарина Ходжаевга (Навбаҳор W) нисбатан 3 та ўйинга четлаштириш (дисквалификация) интизом чоралари қўлланилди.

“Навбаҳор W” — ОКМК W

Аёллар Олий лигаси 22-тури доирасидаги “Навбаҳор W” — ОКМК W учрашувининг 65-дақиқасида “Навбаҳор W” жамоаси футболчиси Маълюда Мунаварова бош ҳакам шаънига хақоратли сўзлар ишлатгани учун майдондан четлаштирилган.

Тартиб-интизом қўмитаси қарорига кўра, Маълуда Мунаваровага (Навбаҳор W) нисбатан 3 та ўйинга четлаштириш (дисквалификация) интизом чоралари қўлланилди.

ОКМК W — “Бунёдкор W”

Аёллар Олий лигаси 21-тури доирасидаги ОКМК W — “Бунёдкор W” учрашувининг 79-дақиқасида ОКМК W жамоаси футболчиси Феруза Турдибоева оёғининг таг қисми билан рақиб ўйинчисининг оёқ қисмига зарба бергани учун майдондан четлаштирилган.

Тартиб-интизом қўмитаси қарорига кўра, Феруза Турдибоевага (ОКМК W) нисбатан 3 та ўйинга четлаштириш (дисквалификация) интизом чоралари қўлланилди.

“Нефтчи W” — “Сўғдиёна W”

Аёллар Олий лигаси 22-тури доирасидаги “Нефтчи W” — “Сўғдиёна W” учрашувининг 81-дақиқасида “Сўғдиёна W” жамоаси футболчиси Дилнура Маматқулова оёғининг таг қисми билан рақиб ўйинчисига зарба бергани учун майдондан четлаштирилган.

Тартиб-интизом қўмитаси қарорига кўра, Дилнура Маматқуловага (Сўғдиёна W) нисбатан 2 та ўйинга четлаштириш (дисквалификация) интизом чоралари қўлланилди.

“Сўғдиёна W” — “Бунёдкор W”

Аёллар Олий лигаси 23-тури доирасидаги “Сўғдиёна W” — “Бунёдкор W” учрашувининг 54-дақиқасида “Сўғдиёна W” жамоаси мураббийи Ораста Тожибоева бош ҳакам шаънига хақоратли сўзлар ишлатгани учун майдондан четлаштирилган.

Тартиб-интизом қўмитаси қарорига кўра, Ораста Тожибоевага (Сўғдиёна W) нисбатан 3 та ўйинга четлаштириш (дисквалификация) интизом чоралари қўлланилди.

Барча мураббий, футболчи, ҳакам ва расмийларни ҳар қандай вазиятда эҳтиросларга берилмасдан, профессионал бўлишга чақирамиз. Сизлар ўсиб келаётган ёшлар учун намуна эканликларингизни яна бир бор эслатиб ўтамиз!