"Насаф" легионеридан мастер-класс!

“Насаф” клуби матбуот хизматининг тарқатган хабарига қараганда, жамоанинг сербиялик легионери Марко Станоевич иқтидорли ёшларга мастер-класс ўтказди.

Суперлигада ҳозир кичик танаффус юзага келган. “Насаф” футбол мактабида ушбу қисқа фурсатдан фойдаланган ҳолда мухлисларнинг севимли футболчиларидан бирига айланиб улгурган сербиялик ўйинчи Марко Станоевич иштирокида маҳорат дарси ташкил этилди.

Мазкур маҳорат дарсини ўтказишдан асосий мақсад ҳозирги кунда футбол мактаби тарбияланувчиларини руҳлантиришдир. Ўзингизга маълум, айни пайтда миллий терма жамоамиз сафида ҳаракат қилаётган Бобир Абдиҳолиқов, Ойбек Бозоров, Акмал Мозговой, Азиз Ғаниев, Абдувоҳид Неъматов кабилар айнан “Насаф” футбол мактаби тарбияланувчилари ҳисобланишади.

Келгусида бундай маҳорат дарслари “Насаф” футбол мактабида тарбия олётган яна бошқа ёшлар билан ҳам ташкил этиш режалаштирилган.