"Насаф"га кумуш медалларни тақдим этган ўйиндан сўнг Абрамов нималар деди?

Coca Cola Суперлигасининг 25-туридан ўрин олган "Бунёдкор" - "Насаф" (0:1) учрашувидан кейин ўтказилган матбуот анжуманида мезбонлар бош мураббийи Вадим Абрамов ўйин ҳақидаги ўз фикрларини билдириб ўтди:

"Жамоаларнинг номидан келиб чиққан ҳолда аҳамияти юқори ўйин эди. Аммо биз беллашувни омадсиз тарзда бошладик. Биринчи бўлимда ўйинни назорат қилдик. Дарвоза яқинигача келдик, бироқ сўнгги зарбани йўллайдиган футболчи топилмади.

Ўтказиб юборилган голга келсак, рақиб ўйинчиси тўпга ажойиб тарзда зарба берди. Иккинчи бўлим ўзимиз хоҳлагандек кечмади. Шахсан менга иккинчи таймдаги ўйинимиз умуман ёқмади. Умумий маънода "Насаф" ҳақли тарзда ғалаба қозонди. Бунинг учун уларни табриклайман. Чунки биз ўзимиз қилишимиз керак бўлган ишни бажара олмадик".