"Navbahor" - "Paxtakor" o‘yinidan keyin 7 kishi javobgarlikka tortildi - Bayonot
Superliganing 5-turidan o‘rin olgan "Navbahor" - "Paxtakor" (1:2) uchrashuvidan so‘ng sodir bo‘lgan tartibsizliklar yuzasidan Namangan viloyati IIB o‘z rasmiy sayti orqali bayonot bergandi. Unda tomoshabinlar orasida faol e’tiroz bildirib, boshqalarga ta’sir o‘tkazmoqchi bo‘lgan 2 nafar futbol ishqibozi ajratib olingani va Davlatobod tuman IIBga olib kelinib, shaxsiga aniqlik kiritildi hamda tushuntirish ishlari olib borilgani xabar berilgandi.
Keyinroq ushbu ma’lumot to‘ldirildi va quyidagilar qo‘shimcha qilindi:
- Holat bo‘yicha O‘zbekiston Respublikasi Jinoyat kodeksining 277-moddasi 3-qismi "v", "g" bandlari bo‘yicha jinoiy ish qo‘zg‘atilib, hozirga qadar 6 nafar fuqaro O‘zbekiston Respublikasi Ma’muriy javobgarlik to‘g‘risidagi kodeksning 183-moddasi, 1 nafar fuqaro esa 183- va 194-moddalari bo‘yicha javobgarlikka tortildi.
"Navbahor" - "Paxtakor" o‘yinida penalti bormidi? - Xayrulla Hamidovdan javob
Xizmat mobaynida jamoat tartibini saqlashga jalb qilingan huquqni muhofaza qiluvchi barcha idoralar shaxsiy tarkibi orasida hech qanday tan jarohat olish holatlariga yo‘l qo‘yilmadi.
Mutasaddi idoralar xodimlaridan iborat ishchi guruh tuzilib, vaziyat o‘rganilmoqda, - deyildi Namangan viloyati IIB bayonotida.
Fikrlar