"Навбаҳор" "Андижон"га қарши Ўзбекистон кубоги доирасидаги сўнгги 3 ўйинда атиги бир марта ғалаба қозонган!

Ўзбекистон кубоги гуруҳ босқич 2-туридан ўрин олган баҳсда “Навбаҳор” ўз майдонида Андижоннинг  “Андижон” жамоасини қабул қилади.

Хабарингиз бор, “Навбаҳор” биллур совринни 3 марта – 1992, 1995 ва 1998 йилларда қўлга киритган ҳамда 1993 ва 2022 йилларда финал иштирокчисига айланиб, ҳал қилувчи баҳсларда “Пахтакор” (0:3, 1993 йили) ҳамда “Насаф” (1:2, 2022 йил) жамоаларига имкониятни бой берган. “Андижон” эса ҳали Ўзбекистон кубоги финалига қадар етиб бормаган.

“Навбаҳор” ва “Андижон” жамоалари  Ўзбекистон кубоги доирасидаги баҳсларда ўзаро 6 марта рўбаро келишган.

Ушбу ўйинларнинг 4 тасида "лочинлар" ғалаба қозонган бўлса,  2 та баҳсда андижонликлар зафар қучган. Тўплар нисбатидаги устунлик ҳам “Навбаҳор” тарафида – 12:6. 

Мазкур жамоаларнинг Ўзбекистон кубоги доирасидаги барча учрашувлари натижалари:

1992 йил. 1/4 финал

“Наврўз” – “Навбаҳор” – 0:1

“Навбаҳор” – “Наврўз” – 3:1

1993 йил. 1/4 финал

“Навбаҳор” – “Наврўз” – 4:2

“Наврўз” – “Навбаҳор” – 1:0

2002/2003 йиллар. Гуруҳ босқичи

“Андижон” – “Навбаҳор” – 1:4

2018 йил. 1/16 финал

“Андижон” – “Навбаҳор” – 1:0

Эслатиб ўтамиз, “Навбаҳор” – “Андижон” учрашуви бугун Намангандаги “Марказий” ўйингоҳда соат 19:30 да старт олади.

Манба: “Навбаҳор” ПФК матбуот хизмати.