"Навбаҳор" бу кўрсатгич бўйича 6-жамоа бўлди

Хабарингиз бор, “Навбаҳор” якунланган мавсумда ўз тарихида илк бор вице-чемпионликни қўлга киритиб, кумуш медал соҳибига айланди.

Шу тариқа, жамоа Ўзбекистон миллий чемпионатлари тарихидаги барча медалларга эга чиққан клублар қаторидан жой олди. Бунгача “лочинлар” ҳисобида  1 та олтин ва 9 та бронза медаллари бор эди.

“Навбаҳор” Ўзбекистон Суперлига (олий лигаси) тарихида барча медалларни қўлга киритган 6-жамоа бўлди. Бунгача “Пахтакор”, “Нефтчи”, “Бунёдкор”, “Локомотив” ҳамда МҲСК клублари олтин, кумуш ва бронза медалларига эга чиқишганди, - дея хабар бермоқда, клуб матбуот хизмати.