“Навбаҳор” бугун "ЎзДонгЖу" билан ўйнайди
Иккинчи даврага тайёргарликнинг дастлабки босқини Наманганда ўтказаётган “Навбаҳор” жамоаси бугун давралар оралиғидаги биринчи назорат ўйинида иштирок этади. Бу ҳақда клуб расмий сайти хабар бермоқда.
Манбанинг маълум қилишича, "Марказий" ўйингоҳда соат 19:00да бошланадиган учрашувда футболчиларга биринчи лига вакили "ЎзДонгЖу" (Андижон) жамоаси рақиблик қилади.
Кеча кечки пайт бўлиб ўтган машғулотдан сўнг "Навбаҳор" клуби раҳбарияти, мураббийлар штаби ва футболчилар Наманган вилоят ҳокими Хайрулла Ҳайитбоевич Бозаров қабулида бўлишди. Йиғилишда жамоанинг чемпионатдаги иштироки муҳокама қилинди. Шу билан биргаликда клубга янги президент тайинланди. Эндиликда Наманган шаҳар ҳокими Шавкатжон Шокирджанович Абдураззоқовн клуб президенти сифатида ҳам фаолият олиб боради.
Фикрлар