"Навбаҳор" футболчиси "Нефтчи" сафига кўчиб ўтди

"Нефтчи" клуби Аброр Исмоиловни ўз сафида қўшиб олди. ЎзПФЛ унинг Фарғона клуби сафида лига рўйхатидан ўтказилганини тасдиқлади. 

Аброр Исмоилов учун "йўлбарслар" бегона эмас. У 2022 йилда ҳам мазкур жамоада ижара асосида тўп тепиб, 19 учрашувда 5 та гол уришга муваффақ бўлган. 

Маълумот учун, Исмоиловнинг "Трансфермаркт" порталидаги баҳоси 700 минг еврони ташкил этади.