"Навбаҳор" жамоаси олдига қандай мақсад қўйилгани маълум қилинди

27 февраль куни Наманган шаҳридаги “Паҳлавон” спорт мажмуасида “Навбаҳор”нинг тақдимот маросими бўлиб ўтди.

Наманган вилояти ҳокими Шавкат Шокиржанович Абдураззоқов сўзга чиқиб, нафақат юртимиз, балки собиқ иттифоқ ва Осиёда ўз ўрнига эга бўлган, миллий чемпионатимизнинг энг совриндор жамоаларидан бири бўлган “Навбаҳор”нинг олдинги шонли тарихини тиклаш мақсадида жамоа таркиби тажрибали ва маҳоратли футболчилар ҳисобига кучайтирилиб, “Навбаҳор”нинг олдига янги мавсумда Осиё Чемпионлар Лигаси (ОЧЛ) йўлланмасини қўлга киритиш вазифаси қўйилганлигини таъкидлаб ўтди.

Суперлига 1-турида "Навбаҳор" Наманганда "Насаф" билан куч синашади. Учрашув 18:30да бошланади.