"Навбаҳор" жамоасининг тақдимот маросими қандай ўтди? Арена мухлислар билан тўла бўлди (Фотогалерея)

Наманган шаҳридаги "Паҳлавон" спорт мажмуасида "Навбаҳор" жамоасининг тақдимот маросими бўлиб ўтди.

Тантанали тадбирда Наманган вилояти ҳокими, вилоят футбол ассоциацияси президенти Шавкатжон Абдуразаков, вилоят сектор раҳбарлари иштирок этдилар.

Шундан сўнг, даврага "Навбаҳор" жамоаси аъзолари таклиф этилиб, уларга янги мавсумда тўп сурадиган рақамлари ёзилган янги мавсум формаларини топширди.

Жамоа бош мураббийи Самвел Бабаян, жамоа сардори Азимжон Аҳмедов, грузиялик ярим ҳимоячи Элгужа Григалашвили сўзга чиқиб, янги мавсумда футбол ишқибозларини ҳурсанд қилиш, муносиб ўйин кўрсатиш ва натижага эришиш учун барча шароитлар мавжудлигини таъкидладилар.

Вилоят раҳбари ўз сўзида муҳтарам Президентимиз Наманганга ташрифлари чоғида вилоятимиз футболини алоҳида эътироф этганликлари, шунингдек, вилоят мухлислар борасида ҳам тўхталиб ўтганликларини айтиб, янги мавсумда жамоамизга омад ёр бўлишини тилади.

Шундан сўнг, жамоа мураббийлар штаби ва футболчилари клуб раҳбарияти билан бирга эсдалик учун суратга тушдилар.