"Навбаҳор" "Металлург"ни мағлуб этди

Янги мавсумга Тошкентда тайёргарлик кўраётган "Навбаҳор" ва "Металлург" жамоалари бугун ўзаро назорат ўйини ўтказди. Учрашувда бекободликлар биринчи бўлиб гол киритишган бўлишса-да, якунда имкониятни бой беришди.

Ўйиннинг 6-дақиқасида Дониёр Нарзуллаев рақиб посбони билан яккама-якка чиқди ва дарвозанинг олис бурчагини нишонга олди. Наманганликлар посбони тўпни амаллаб майдон ташқарисига чиқариб юборди. Бурчакдан тўп ўйинга киритилганда Станислав Андреев – Акбар Исматуллаевлар бошлаб берган комбинацияни Евгений Макеев голга айлантирди.

Бироқ қолган дақиқаларда “Навбаҳор”чилар ташаббусни ўз қўлларига олди ва “Металлург” дарвозасига тўртта жавоб голини йўллаши. Забихилло Ўринбоев, Иван Соловьев, Аббос Ғуломов ҳамда Фарҳод Мираҳматовлар муваффақият қозонишди.

Назорат ўйини

"Навбаҳор" — "Металлург" 4:1

Голлар: Евгений Макеев — Забихилло Ўринбоев, Иван Соловьев, Аббос Ғуломов, Фарҳод Мираҳматов.