"Навбаҳор" мураббийи жамоани тарк этди

Жорий мавсум бошида "Навбаҳор" сафига сербиялик жисмоний тайёргарлик бўйича мураббий Алекса Бошкович келиб қўшилганди.

SPORTS.uz сайтига маълум бўлишича, Бошкович жамоани тарк этган. Шу боис у клубнинг охирги ўйинларида кўриниш бермаяпти.

Алекса Бошкович мураббийлик фаолияти давомида “Металак” (Сербия), “Нанкин Сити” (Хитой), “Ал-Батин” (Саудия Арабистони), “Казма СК” (Қувайт), “Виста” (Россия) ва “Ботев Пловдив” (Болгария) клубларида жисмоний тайёргарлик бўйича мураббий бўлиб ишлаган.

Бундан ташқари, Германиянинг “Айнтрахт” клубида Catapult мутахассиси сифатида фаолият юритган.