"Навбаҳор" мураббийи шартномасини узайтирди

Хабарингиз бор, “Навбаҳор-фарм” ўтган мавсумда биринчи лига чемпиони бўлиб, про лига йўлланмасини қўлга киритди. Албатта, фарм жамоанинг ушбу муваффақиятида футболчилар билан бирга мураббийлар штабининг ҳам муносиб ҳиссаси бор.

Шу боис, “Навбаҳор-фарм” жамоаси мураббийи Рашиджон Ғофуров билан тузилган шартнома муддати узайтирилди. Янги мавсумда про лигада иштирок этадиган мазкур фарм жамоа футболчилари яна 45 ёшли маҳоратли мутахассис қўл остида ўйнайдиган бўлишди.

“Навбаҳор” ПФК матбуот хизмати.