"Навбаҳор" "Олимпик" футболчиси билан шартнома тузди

Наманганнинг "Навбаҳор" клуби бугун янги трансферни эълон қилди. 

21 ёшга қадам босаётган иқтидорли ярим ҳимоячи Риан Исламов "Навбаҳор" билан шартнома имзолагани маълум бўлди.

Фарғоналик футболчи "Пахтакор" U21, "Металлург" ва "Олимпик" клубларида тўп сурган. 

Айнан жорий мавсумда Исламов "Олимпик" таркибида 20 та учрашувда майдонга тушиб, 4 та гол урди ва 1 та голли пасни амалга ошириб, майдонда 774 дақиқани ўтказди.