"Навбаҳор" омадли стартни қанча кутди?

Навоийнинг "Қизилқум" клуби Суперлиганинг биринчи турида "Навбаҳор" меҳмони бўлиб, йирик ҳисобдаги мағлубиятни қабул қилиб олди (3:0). Голларга Жамшид Болтабоев, Игор Голбан ва Шоҳруз Норхонов муаллифлик қилди.

Шу тариқа Наманган клуби 6 йиллик танаффусдан кейин Ўзбекистон чемпионатидаги иштирокини ғалаба билан бошлади. Бунақаси охирги марта 2017 йилда рўй берган бўлиб, Мирзоҳид Ғофуров ва Ғиёсжон Комиловнинг голлари эвазига "Обод" мағлуб қилинганди.