"Навбаҳор" Остон Ўрунов билан шартнома имзолаши мумкин

Ўрунов “Урал” билан шартномаси тугаганидан кейин фаолиятини Ўзбекистонда давом эттириши мумкин

"Metaratings" нашри хабарига кўра, Остон "Урал" билан шартномасини бекор қилгач, "Навбаҳор" футболчига қизиқиш билдирмоқда. Ўрунов Наманган клубида 2017-2019 йилларда ўйнаган ва ёзда ҳам Ўрунов Наманганга келиши мумкинлиги ҳақида миш-мишлар тарқалган эди. Аммо якунда трансфер амалга ошмай қолди. 

Маълумотларга кўра, Ўрунов якуний қарорни “Навбаҳор” ОЧЛга йўл олганидан кейин қабул қилади. “Навбаҳор” чемпионатда совринли ўрин олса ёки Ўзбекистон кубогини қўлга киритса, унда футболчи "лочинлар" билан музокара олиб бориши мумкин. Шу боис футболчи қарор қабул қилишдан олдин мавсум якунини кутиш ниятида.

Чемпионат якунланишига уч тур қолганда “Навбаҳор” Ўзбекистон Суперлигасида учинчи ўринни эгаллаб турибди.