Coca Cola Суперлига 9-туридан ўрин олган “Навбаҳор” – “Қизилқум” (1:0) учрашувидан кейинги матбуот анжуманининг иккинчи қисмида “Навбаҳор” жамоаси бош мураббийи Андрей Канчельскис иштирок этиб, журналистларнинг саволларига жавоб берди.

Учрашув қийин кечди. Бунга йигитларнинг руҳий ҳолатлари ҳам сабаб бўлган бўлиши ҳам эҳтимолдан холи эмас. Боиси, ўзингизга маълум, “Бунёдкор”нинг бир нафар футболчисида коронавирус аниқланган. Бир тур олдин эса жамоамиз айнан “Бунёдкор”га қарши майдонга тушганди.

Шу сабабли, кеча клуб қароргоҳи дезинфекция қилинди, барча футболчилар коронавирусга тест топширди. Худога шукр, тест натижаларига кўра, жамоамиз аъзоларида касаллик қайд этилмади.

Шундай бўлса-да, шогирдларимни “Бунёдкор”да юз берган ҳолат хавотирга, ташвишга солган. Чунки йигитлар ўша футболчига  қарши ўйнаган. Бу ҳолатни тушунаман, уларнинг ҳам оилалари бор. Ушбу омил  ҳам жамоамиз ўйинига ўз таъсирини ўтказди, менимча.

Нима бўлган тақдирдаям, биз 3 очкони қўлга киритишга  муваффақ бўлдик. Ўтган турдаги мағлубиятдан сўнг, йигитларнинг руҳан ўзларига келиб олишлари учун зафар қучишимиз лозим эди ва 3 очко бизга жуда зарур эди.

Ўз ниятимизга етдик. Футболчиларга майдондаги жонкуярликлари ва иштиёқлари учун ўз миннатдорлигимни билдираман. Энди кейинги, яъни “Сурхон” билан бўладиган ўйинга тайёргарлик кўрамиз.

Жамоада ички муҳит яхшими? Боиси, айрим вазиятларда “Навбаҳор” футболчилари бир-бирлари билан тортишишгача боришди...

Яна бир марта таъкидлайман, бу руҳий ҳолат билан боғлиқ. Ахир, барчанинг оиласи бор. Шунингдек, футбол ўйини пайтида жамоадошларнинг, шунингдек, дарвозабон ва ҳимоячиларнинг бир-бири билан даҳанаки жангга боришлари нормал ҳолат.

Ўзим бир пайтлари тўп сурган “Манчестер Юнайтед”даги ҳолатни эсга оладиган бўлсам, дарвозабон Петер Шмейхель ҳамда ҳимоячилар – Гарри Паллистер ҳамда Стив Брюс ўйин пайтида бир-бирлари билан ҳаттоки, муштлашиб кетишига оз қоларди.

Учрашув якунлаганидан кейин эса қучоқлашиб, бирга дам олиб, ресторанга бориб овқатланишарди.

Умуман олганда, ўйин оғир  кечди ва руҳий тарафлама ушбу ютуқ бизга жуда зарур эди.

“Навбаҳор”да ички муҳит жуда яхши.

- Ўтган сафар жамоадаги айрим футболчиларнинг ўйинларидан қониқиш ҳосил қилмаётганлигингизни таъкидлагандингиз. Ўша ўйинчиларнинг кимлар эканлигини очиқ-ойдин айта оласизми?

- Йўқ, уларнинг исм-шарифларини айта олмайман. Чунки бу клубнинг ички иши. Биз бу борада мавсум якунида бир хулосага келамиз.

Мен футболчиларнинг ўйинларида ўсиш кузатилиб, ҳар бир учрашувда яхши ўйин намойиш этишларини хоҳлайман.

Кимдир ўз имкониятлари даражасида тўп суряпти, кимнингдир ўйини унчалик қовушмаяпти, бошқаси эса коронавирусдан қўрқяпти ва ҳоказо.  Айни пайтда ўша футболчиларнинг номларини айтиш нотўғри. Бу ҳақда мавсум якунланганидан сўнг, гаплашамиз.

Албатта, жамоанинг бугунги ўйинидан қониқиш ҳосил қилмадим, лекин йигитларга майдондаги жонкуярликлари ва иштиёқлари учун ўз миннатдорлигимни билдираман.

- Суперлига кейинги тур баҳсларининг Тошкентда марказлашган ҳолда ўтказилиши борасидаги фикрингиз...

- Менимча, бу ҳали аниқ эмас. Эрта ёки индинга бу масалани Ўзбекистон Профессионал футбол лигаси мутасаддилари билан муҳокама қиламиз. Менга қолса, қадрдон майдонимизда ўйнаганимиз яхши.

Бутун дунёда пандемия эканлигини тушуниб турибмиз. Умид қиламанки, бу борада Ўзбекистон футболи мутасаддилари тўғри қарор қабул қилишади.

“Навбаҳор” ПФК матбуот хизмати.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Abbos Axmedov
14/07/2020 16:59
Тугри айтасиз пухта режа кузга ташланмаяпти кечаги уйинда кизилкумга карши уйинда Навбахор химаячилари ута бош уйнади. Кучлиро каманда боганда Навбахорни шарманда килиб голар йомгирини йогдирарди.
&
Rustamov Dilmurod
15/07/2020 05:24
Oʻyinlar jamoalar xar xil lekin oʻyin taktikasi bir xil xujumkor oʻynab goʻllar urib oladigan paytimizda qarshi hujumda oʻynayapmiz paxta DAN olgan yosh oʻyinchi ni oʻyini yaxshi ekan koʻproq imkoniyat berib butunlay navbaxorga tegishli qilish kerak chunki pahta oʻta ayyor Turguboyev va Oʻrunov tajribalaridan tugʻri xulosa chiqargan xolda navbahorni keyingi mavsumga xam tayyorlab borish kerak Nasaf tajribasi bunga misol qachongacha tayyor uyinchi olamiz bunyodkor va Nasaf Navbaxorga qilayotgan rasxotni yarmini xam qilmayapti biz bilsak xalixam Andijon bilan durang oʻynab avudsaydirga penaltidan gol urib toʻrta gol oʻtkazvordik xissob chunki tajribasi bor hujumchilar boʻlganda 100 foizga gol edi NABAHORIM oʻyinchilari bunday futbol oʻynab bulmaydi
Рашид Хожаханов
14/07/2020 10:41
Навбахорда махоратли тажрибали яхши уйинчилар жамланган таркиб кучли мухлислари зур. Лекин уйин тактикаси яхши йулга куйилмаган уйинчиларни жисмоний ва рухий холатига яхши этибор бериб асосий таркибни танлаб олиш керак. Манимча мураббий жиддийрок этибор бериш керак бу имкониятлардан фойдаланиш керак