"Навбаҳор"дан мухлислари учун яна бир қулайлик

Хабарингиз бор, айни пайтда юртимизда муқаддас Рамазон ойи ҳукмрон ва ватанимиз мўмин-мусулмонлари мазкур ойда рўза тутиб, таровеҳ намозларин адо этмоқдалар.

Рамазон ойида амалга ошираётган ибодатларингизни Аллоҳ ўз даргоҳида қабул қилишини тилаган ҳолда, “Навбаҳор” матбуот хизмати жамоа мухлисларига шуни мамнуният билан маълум қиладики, “Навбаҳор” клуби раҳбарияти томонидан мазкур муқаддас ойда ишқибозларга қулайлик яратиш мақсадида, эртага бўлиб ўтадиган “Навбаҳор” – “Динамо” ўйинида ифторликка хурмо ва газсиз сувлар бепул тарқатилади.

Мухлислар ушбу маҳсулотларни “Марказий” стадионида жойлашган барча савдо шаҳобчаларидан олиш имкониятига эга бўлишади. 

Эслатиб ўтамиз, “Навбаҳор” – “Динамо” баҳси эртага соат 18:00 да старт олади.

 “Навбаҳор” ПФК матбуот хизмати.