"Навбаҳор"нинг собиқ бош мураббийи терма жамоада ишлаши мумкин

Қирғизистонлик футбол аҳлининг ижтимоий тармоқларида Aндрей Канчельскис билан селфи пайдо бўлди, дея хабар берди таниқли мутахассис Алишер Никимбаев телеграмдаги саҳифасида.

Манбанинг ёзишича, "Манчестер Юнайтед"нинг собиқ футболчиси ва икки бор "Навбаҳор"ни бошқарган мураббий Қирғиз Республикаси миллий терма жамоасида иш бошлаш учун музокара олиб бормоқда. Кўринишидан, Aлександр Кристинин ўртоқлик ўйинларидаги муваффақиятсизликлардан сўнг ўз лавозимини тарк этиши мумкин.

Бир неча кун аввал сайтимиз орқали 2020 йили “Навбаҳордан” истеъфога чиққан россиялик мураббий Андрей Канчельскиснинг фикрлари чоп этилганди. Аммо мутахассис терма жамоалар ўйинлари муносабати билан берилган танаффусдан фойдаланиб, клублардан бири билан музокара қилиб келганини маълум қилганди. Бу жамоа Европа ёки Осиёдан эканини очиқламаган, музокаралар охирги нуқтага етмагунича бу сир бўлиб қолишини билдирганди.