“Navbahor”ning sobiq ustozi “Manchester Yunayted”ga zo‘r murabbiy topib berdi

“Navbahor”ning sobiq bosh murabbiyi Andrey Kanchelskis “Manchester Yunayted”ni qaysi mutaxassis muvaffaqiyat sari etaklay olishini aytdi.

Ma’lumki, niderlandiyalik Erik ten Xag qo‘l ostida manchesterliklar kutilgan natijalarni qayd eta olmayapti. Klub rahbariyati jamoaga yangi bosh murabbiy qidiryapti.

- “Manchester Yunayted” bosh murabbiyligiga eng mos mutaxassis Tomas Tuxel. Garet Sautgeyt ham juda yaxshi mutaxassis, lekin terma jamoa va klubda ishlash birbiridan tubdan farq qiladi. Shuning uchun, Tomas Tuxeldan zo‘r boshqa variant ko‘rmayapman,  - dedi Andrey Kanchelskis.

Ta’kidlash joizki, Tomas Tuxel Myunxenning “Bavariya” klubidan iste’foga chiqarilganidan beri ishsiz yuribdi.