Нахотки?! Биргина ғалаба учун Iphone 16
Женнаро Гаттузо “Ҳайдук”нинг барча футболчилари ва ходимларига Iphone 16 совға қилди.
Гап шундаки, бош мураббий жамоаси билан Хорватия чемпионатининг навбатдаги турида Загребнинг “Динамо” жамоаси билан марказий ўйинда беллашди. Мазкур баҳсда клуб 1:0 ҳисобида ғалаба қозонди. Шу сабаб мураббий жамоани мукофотлашга қарор қилди. Мана шу ютуқдван кейин "Хайдук" "Динамо"дан ўзиб кетди ва турнир жадвалида 2-ўринга чиқиб олди.
Маълумотларга кўра, ҳар бири тахминан 1100 евро бўлган жами 35 та телефонга буюртма берилган. Буларнинг бари учун Гаттузо тўловларни амалга оширган.
Эслатиб ўтамиз, бунга қадар италиялик мутахассис етарлича маош олаётгани ва мураббийлик билан пул учун эмас, футболга бўлган иштиёқи туфайли шуғулланаётганини бир неча бор айтиб келган эди.
Фикрлар