"Нефтчи" академиясига хорижлик мутахассис директор этиб тайинланди

"Нефтчи" клубида муҳим тайинлов амалга оширилганлиги ҳақида матбуот хизмати маълум қилди. Унга кўра, Украина футболида катта тажрибага эга мутахассис, собиқ мураббий Игорь Иванович Химич энди “Нефтчи” футбол академияси директори сифатида фаолият юритади.

Игорь Иванович Химич "Нефтчи" академиясида машғулотларни Лобановский методи асосида ташкил этишни режалаштирмоқда. Бу метод футболчиларнинг жисмоний тайёргарлиги, тактик фикрлашини ва жамоавий уйғунлигини юқори даражада шакллантиришга қаратилган.

 Игорь Химич хақида
• 1967 йил 1 сентябрь куни Украина туғилган.
• Футболчилик фаолияти давомида «Нива» (Мироновка), «Катех» (Ирпин), «Факел-ГПЗ» (Варва) ва «Ригонда-2» (Бела Серква) клубларида дарвозабон сифатида ўйнаган.
• 2001 йилда футболчи сифатида фаолиятини якунлаб, мураббийликка ўтди.
• 2002–2010 йилларда бир неча марта «Рос» (Бела Серква) клубини бошқарган.
• 2010 йилда қисқа муддат «Десна» (Чернигов) жамоасида бош мураббий вазифасини бажарган.
• Кейинги йилларда Украина футбол федерациясида инструктор сифатида ишлаб, методология ва ёш мураббийларни тайёрлаш бўйича бош мутахассис лавозимида фаолият олиб борган.

Игорь Иванович Химич "Нефтчи" академиясини янада замонавий ва самарали тизим асосида ривожлантириш, ёш футболчилар учун етук шароитлар яратиш ҳамда халқаро тажрибани амалиётга жорий этишни асосий вазифа қилиб белгилаган.