"Нефтчи" эртадан машғулотларга қайтади, режада ўртоқлик ўйинлари ҳам бор

Бекободда бўлиб ўтган Ўзбекистон Кубоги баҳсидан сўнг "Нефтчи" мураббийлар штаби барча футболчиларга қисқа муддатли таътил тақдим этишган эди.

Беш кун хордиқ чиқарган жамоа аъзолари эртадан бошлаб Қиргулидаги қароргоҳларида йиғилиб, тайёргарликни давом эттирадилар.

Хабарингиз бор, ФИФА кунлари муносабати билан Суперлига чемпионатида кичик танаффус юзага келган. Шундан унумли фойдаланиш мақсадида мураббийлар штаби бир нечта ўртоқлик учрашувларини ўтказиш бўйича режа тузишган. 

"Нефтчи" ПФК матбуот хизмати.