"Нефтчи" навбатдаги ўртоқлик ўйинини ҳам тожик клубига қарши ўтказади

"Нефтчи" иккинчи давра ўйинларига тайёргарликни қизғин давом эттирмоқда, Бу борада оддий машғулотлардан тортиб, ўртоқлик баҳсларига ҳам катта аҳамият берилмоқда.

Икки кун илгари Тожикистоннинг "Эсхата" жамоасини қабул қилиб 4:0 ҳисобида мағлубиятга учратган Виталий Левченко шогирдлари 25 июлда Қиргулидаги қароргоҳ стадионида Тожикистоннинг "Хўжанд" клуби билан ўртоқлик беллашувига ҳозирлик кўрмоқда.

Бу учрашув ва машғулотларда жамоа билан шартнома тузишга аҳд қилган янги ўйинчилар синовдан ўтказилиб, ҳимоя, ярим ҳимоя ва ҳужум чизиғини янада мустаҳкамлаш чора-тадбирлари кўрилади.

"Нефтчи" матбуот хизмати.