"Нефтчи" қўшни мамлакат клуби билан дуранг ўйнади

"Нефтчи" жамоаси ФИФА кунларидан унумли фойдаланган ҳолда ҳалқаро ўртоқлик ўйинида иштирок этди. Унда клуб Қирғиз Республикасининг "Каганда" жамоаси билан куч синашди. 

Беллашувда 1:1 ҳисоби қайд этилди. Фарғоналиклар биринчи бўлимнинг 12 дақиқасидаёқ ҳисобни очишга муваффақ бўлди. Майдон марказига яқин жойдан Дониёр Валиевнинг чиройли узатмасидан сўнг дарвозабон билан бирга-бир вазиятга чиқиб борган Шаҳзод Убайдуллаев хисобни очишга эришди - 1:0.

Кейинроқ рақиблар бурчак тўпини амалга оширгач, ҳимоячилар ҳатосидан унумли фойдаланган Бегзадбек Насиров ҳисобни 1:1 кўринишига олиб келди. Ушбу ҳисоб учрашув охиригача сақланиб қолди.