"Neftchi"ning Turkiyadagi yig‘iniga yana ikki nafar yangi futbolchi qo‘shildi

Yangi mavsumga Turkiyada qizg‘in tayyorgarlik olib borayotgan "Neftchi" mashg‘ulotlariga yangi futbolchilar kelib qo‘shildi.

Bular - o‘tgan mavsumni "Olimpik" tarkibida o‘tkazgan darvozabon Vladimir Nazarov hamda "Superliga-2022"da "Lokomotiv" safida to‘p surgan yarim himoyachi G‘ulomhaydar G‘ulomovlar hisoblanadi.

Ko‘rik-sinov jarayonida futbolchilarning harakati murabbiylarga ma’qul kelsa, ular bilan shartnoma imzolanishi ko‘zda tutilgan.