"Нефтехимик"дан яна ғалаба! Легионерларимиз эса...

Россия Миллий футбол лигасининг 15-тури яна “Нефтехимик” учун омадли келди. Маълумки, улар ўтган турда ҳам ғалаба қозонишган ҳолда “Факел”ни таслим этишганди.

Бу сафар эса сафарда “Шинник” жамоасига қарши учрашувда 1:2 ҳисобида муҳим ғалабани қўлга киритишди.

Лекин мазкур беллашувда “Нефтехимик” сардори, ҳамюртимиз Вагиз Галиулин жароҳати сабабли майдонга туша олмади. Яна бир легионеримиз Бобир Давлатов эса ўйиннинг 82-дақиқасида захирадан ўйинга қўшилди.

Энди “Нефтехимик” клуби навбатдаги турни 17 октябрь куни меҳмонда “Торпедо”га қарши ўтказади.