Неймар "Барса"га ўтиш учун ПСЖга ўз ёнидан 20 млн евро бермоқчи эди

ПСЖ ҳужумчиси Неймар "Барселона"га ўтиш учун ўз чўнтагидан тўлашга тайёр эди.

Каталония клуби парижликларга Неймар учун 130 млн еврога Иван Ракитич ва Жан-Клер Тодибони қўшиб бермоқчи бўлди. Шу қаторда Усмон Дембелени ҳам ижарага беришга тайёр бўлганди.

Ушбу таклифга, бразилиялик ўз чўнтагидан 20 млн евро қўшмоқчи бўлди.

ПСЖ "Барселона" футболчиларининг ўтиш ҳолатига тўлиқ розилигини ололмаганлигини айтиб, таклифни рад этди.

Аввалроқ, Ракитич ва Тодибо ПСЖга ўтишга рози бўлишгани ва Парижнинг бош мураббийи Томас Тухел Усмон Дембелени таклифни қабул қилишга кўндиргани ҳақида хабар тарқаган эди.

Шу қаторда, Неймар аллақачон "Барселона" футболчиларига унинг Каталония клубига ўтиши ёзда амалга ошмаслигини айтиб ўтган эди.