Неймар “Барса”га қайтаришни сўради. Каталонияликлар нега қўрқиб кетди?

Ўтган йили ёзда мўмай даромад илинжида Саудия Арабистонига кўчиб ўтган футболчилар орасида Неймар ҳам бор.

Бироқ  бразилиялик юлдуз катта маош тўлаётган “Ал-Ҳилол”га етарли даражада ёрдам бера олмади. Бешта учрашувда қатнашган Неймар ўтган йили кузда Бразилия терма жамоасидаги ўйинда оғир жароҳат олган ва ҳали ҳам майдонга қайтгани йўқ.

Журналист Херард Ромеронинг айтишича, Неймар ёзги трансферлар даврида “Барселона”га қайтиш истагини билдирган ва агентлари орқали каталонияликларга ўз хизматини таклиф қилган.

Манбага кўра, “Барселона” бу трансферни рад қилган. Каталония клуби раҳбарияти Неймарнинг оғир жароҳат олганидан қўрққан.

Бундан ташқари, каталонияликлар Неймарнинг маошини кўтара олмаслиги ҳам маълум.