Неймар бошқа суперклуб билан музокара бошлади

ПСЖ ҳужумчиси Неймар фаолиятини Италия чемпионатидан давом эттириши мумкин. Бразилиялик тўпурарнинг агентлари “Ювентус” билан музокараларни бошлаб юборди, дею хабар бермоқда Испаниянинг AS нашри.

Манбанинг таъкилашича, Неймарнинг ПСЖдаги фаолияти катта сўроқ остида турибди. Вазиятдан фойдаланиб қолишни режалаштираётган “Ювентус” бразилиялик ўйинчини ўз сафига қўшиб олмоқчи.

Бу трансфер амалга ошиши учун Неймар маош борасидаги сўровларини бироз пасайтириши талаб этилади.

Парижликлар Мбаппе блан шартном имзолаганидан кейин маош фондини қисқартириш учун бир неча юлдузидан воз кечишга қарор қилган. Рўйхатнинг энг юқори қисмида йилига 50 миллион евро ишлаб топаётган Неймар турибди.  

2017 йилдан бери парижликлар шарафини ҳимоя қилаётган ҳужумчининг амалдаги битими яна уч йил давом этади.